Country huanga Grammy award latu zaithiam Carrie Underwood chuan eng dang zawng aia chhungkaw nu nih a la ngaih pawimawh zawk thu a sawi.
Underwood leh a pasal Mike Fisher te hian fapa pahnih nei tawhin, a upa zawk Isaiah Michael, 10 hi kum 2015 khan a piang a, a naupang zawk Jacob Bryan,6 a hnuah an nei leh bawk.
Zai lam a thawm a neih rih loh vang vang chhan chu chhungkaw enkawl a ngaih pawimawh vang a nih thu a sawi a, ka fate tana nu tha tak leh chhungkaw nu tihtur dik tak ka tih theih nan zai lamah chuan ka thawm a reh rih mai a ni, tiin tunhnai khan a sawi.
Fa a neih atang chiaha hetiang rilru hi pu zual a nih thu Underwood chuan a sawi a, ‘ka fapa hmasa ber a pian khan ka nunphung hi a buai vek a, nu ka ni ta tih ka inhria a, a tan khawvel thil engkim zirtirtu tur ka nih thu keimah leh keimah ka inhrilh mawp mawp nghal,’ a ti.
Chhungkaw nu nih a, inchhung enkawl chu ka kuta awm leh ka chhungten humsual an daih lohna tura theihtawp chhuah chu ka kuta awm a nih thu ka hrechiang telh telh a, ka chhungkaw tana nu tha tak nih ka tum miau avangin thil dang chu ka kalsan rih a ngai, tiin a sawi bawk.
A hma hun leh zai lama a awm zel dan tur leh a kalkawng chu Pathianin a la rel felsak turah a ngaih rih thu Underwood hian a sawi tel bawk.