Aizawl: Chief Minister Lalduhoma hovin nimin khan a pisa-ah Mizoram State Government Paddy & Rice Procurement Committee an thukhawm.
Thutkhawmah hian an hmalakna kalpui mek tawh dan te an sawi ho bakah, Om Om Rice Mill nena thawhho dante an rel.
Mizoram sorkar chuan Mamit leh Kolasib district atangin loneitute thar chhuah buhhum lei a, Om Om Modern Rice Mill, Pangbalkawn, Kolasib district hmanga her a lo rel tawh a. Buhhum hi kg-ah Rs. 30 zelin Rice Mill hmunah a lei a, hei hi sorkar laipui leina (Minimum support price) aiin a tha zawk niin sorkar thuchhuah chuan a tar lang.
Thutkhawmah hian Agriculture Minister PC Vanlalruata, Supply Minister B. Lalchhanzova, Adviser to CM Dr. KC Lalmalsawmzauva leh member dangte an tel.