Manchester City FC chuan Kolkata khawpuiah football academy an siam dawn a, he mi chungchang hi Techno India group chuan an puangzar a ni.
Techno India group-in an puan danin London khawpuiah West Bengal Chief Minister Mamata Banerjee te chuan Memorandum of Understanding (MoU) an ziak fel tawh a. Inremna an ziah danah Mamata Banerjee chu a lung a awi hle niin an sawi.
Premier League champion Manchester City hian India ramah football academy an la din miah lo a, Kolkata khawpuia an din hunah chuan kan ram chhunga hetiang an din hmasak ber hi a ni dawn a. Thuneitute chuan he academy hi Man City Football School tih a nih tur thu an sawi a ni.
Man City Football School din a nih hunah chuan West Bengal chhunga naupang chauh ni loin, India ram chhung hmun hrang hranga naupangte chu football thiam tak tak thei tura kaihhruai an tum a ni.