Arsenal defender Gabriel chu a chawn tha zai a ngaih avangin tun season-ah a inlan thei tawh dawn lo tih club chuan a puang.
Brazilian hi Arsenal-in Thawhlehni zana Emirates Stadium-a Fulham laka 2-1-a hnehna an chan tumin chawlhlawk hmain lak chhuah a ni.
Lille defender hlui hian tun season-a Premier League-a Arsenal inkhel vawi 30-ah vawi 28 zet a inlan a, club hi tlarhnung phui tha ber nihpuiin goal 25 chauh an la chhuah.
Arsenal hian an defender hi season thar bul tannaah chauh a inkhelh leh theih dawn thu an puang a ni.
“Gabi-a chawn tha na hi ni rei lo te hnuah titha turin zai a ni ang a, rang taka dam thei turin enkawl zui a ni nghar char char ang a, season leha inkhel thei turin a inbuatsaih dawn a ni,” tiin club chuan thu a chhuah.
Arsenal hi Premier League-ah pahnihna ni mekin point 12-in hmahruaitu, Liverpool an phak lo mek a, inkhelh tur vawi riat chiah a awm tawh.
Gunners hian Champions League quarter-finals-ah nomawi kawl mektu, Real Madrid chu an hmachhawn dawn bawk.
Carlo Ancelotti-a team hian April 8 hian London hmar veng club an tlawh hmasa dawn a, April 16-a Bernabeu-ah an mikhual ve thung dawn a ni.