Aizawl: Champhai Forest Division-a thawktute leh Assam Rifles tangkawp chuan Nilaini khan Zokhawtharah India ram pawn atanga dan lova ramsa tawlh ruk chi hrang hrang leh hemi kaihhnawihah inhnamhnawih nia hriat mi paruk an man.
Exotic ramsa an man te hi Indo-Myanmar international borser kaltlanga tawlhruk niin, ramsa tawlh an man te hi Albino Burmese Python pakhat, African Spurred Tortoise 27 leh Patagonian mara pathum te an ni.
Ramsa tawlhruka inhnamhnawih nia hriat mi paruk, Jessie Lalnunmawia s/o Kapkunga, Zokhawthar; Biakzapianga s/o Neicheulian, Zokhawthar; Thawnsuangmuang s/o Sankhawpau,Khawmawi, Myanmar; Lalzuitluangi d/o Sangkhuma Zokhawthar; Denga s/o Neya, Zokhawthar leh Lalhmangaihthanga s/o Pawibawiha, Zokhawthar-te an ni a. An mi mante hi Judicial Magistrate, Champhai Judicial District thupek angina Champhai District Jail-ah a dah an ni.
Heng exotic ramsa tawlhruk an man te hi international market-ah chuan Rs nuai 130 vel ni a chhut a ni.
March 26, 2025 khan Khawzawl Wildlife Division thawktute chuan, Wildlife (Protection Act -1972 kalh a Khawzawl rama sakhi (barking deer) leh Varung (Rufous throated partridge) kaptu, Biakchungnunga s/o Thansei (L), Khawzawl, Lungvar Veng chu a sa kahhlumte nen an man a. Champhai District Court thupek angin Champhai District Jail-ah dah a ni bawk.