AZL: Cod Nerc chuan KMC Oil Tools Private Limited, Mumbai-te Corporate Social Responsibility (CSR) puihna kaltlangin nimin khan Chite vengah a thlawna inentirna hun an huaihawt a, mi 102 inentirin a thlawna damdawi pek an ni.
Free Clinic hi Aizawl East-II bialtu MLA B. Lalchhanzova, Supply Minister chuan tlawhin Chite veng mipuite tana Cod Nerc leh KMC Oil Tools-ten mipui tana a thlawna inentirna an huaihawt chu lawmthu a sawi.
Damlo inentirte natna an hmuh tam berte chu pum na leh pum lam insawiselna hrang hrangte, nerve tha lo, ruh na, taksa chau te a ni.