Aizawl: Lawngtlai Bawrhsap Cheemala Siva Gopal Reddy, IAS., chuan IRCON0ten Corporate Social Responsibility (CSR) kaltlanga an sak tur Health Sub-Centre, Zochachhuah, lungphum chu Inrinni khan a phum.
Reddy chuan CSR hman tangkaina kawng zingah hriselna lama hman a ni thin chu tha tak a nih thu a sawi a. A bik takin ramria awmten an chhawr tangkai dawn hle a, Zochachhuah leh a chhehvel khuate tan thil hlu leh tangkai tak a ni dawn tih a sawi.
Bawrhsap chuan ram leh hnam hmasawnna tura IRCON hmalakna chhuanawm a tih thu sawiin, hmalam hunah pawh tha taka thawk zel turin duhsakna hlanin, Zochachhuaha Health Sub-Centre sakna tur lungphum chu lawm takin a phum tih a sawi.
Reddy chuan Zochachhuah Primary School tlawhin buiding, zirtirtu leh zirlaite dinhmun a en a. Harsatna an neihah district administration chuan theihtawp chhuahpui tur thu a sawi bawk.