Aizawl: MNF President Zoramthanga chuan ZPM sorkar a tlahniam zel tih a sawi a; Chief Minister Lalduhoma chu central lamah a tla tlum lo hle niin a sawi.
Mizoram chhim fanga zin mek MNF president hian nimin khan Hnahthiala Mizo Hnam Run a tlawh a. “ZPM sorkar a tlahniam raih raih mai a, keini kan sang zel a, hma kan sawn mek zel a ni,” a ti.
MNF president chuan, “A lehpekah an sorkar ang em, tih mipuiin an zawt lo, tun term hi an sorkar tluan ang em? tih hi mipui zawhna a ni,” a ti a. Chief minister hi central lamah a tla tlum lo hle nia sawiin, “Sum leh pai nawr pawhin a zin ngai ta lo a ni. Tun ang hunah chuan sum leh thil dang nawra zin tlut tlut awm a nia, a zin lo,” a ti bawk.
He inkhawm hi F Laldinthara, Hnahthial Block President-in a kaihruai a ni.