Lemchan thiam Angelina Jolie chu June 4 kha a kum 50-na chiah a ni a, milar dangte anga a lawmna ropui tak siam lovin a fate nena hun hman a duh zawk thu sawiin, a duh angin hun a hmang bawk.
A birthday thlen hma hian he thu hi Jolie chuan lo sawi lawkin, birthday party ropui tak siam a tum lo a, kum 50 a lo tlin ve tak avanga a lawm thu hahipa lo sawi lawkin, party ropui tak siam aichuan a fate nena hun hman a, anni nena hun hman ho a duh zawk thu a lo sawi tawh a, a duh angin hun a hmang zui ta bawk.
Jolie leh Brad Pitt te chuan an inthen hnu khan kum riat chhung zet an fate enkawltu zawk nih chungchangah buaina an nei zui a, nikum december thla khan court chuan thutlukna siamfelin an vaiin Jolie hian a enkawl thei ta a, a fate ho – Maddox,23; Pax,21; Zahara,20; Silo,18 leh Knox leh Vivienne kum 16 mi ve vete chu a enkawlin, a awmpui zui ta vek a ni.
Angelina hi tunah hian movie lamah insawrbing leh tanin, nikum khan Netflix lamah chuan a lar leh hle a, hei hi kum 2021 hnua acting role a play lehna hmasa ber a ni bawk.
Jolie hi kum 50 a nih hnu pawh hian a la chuai lovin a la inuluk hle a, rilru hahdam taka awmin, huaisen takin a hun hrehawm tawnte a paltlang chho a, nun hlimna a nei chho leh mek niin khawthlang lam media te chuan an ziak nasa hle.
Tunah hian France ram lamah awm mekin, Cannes Film Festival-a tel tumin a inbuatsaih mek nia sawi a ni bawk.