Kawngpuia i kal mai mai lai pawhin lâwm tur i ni. India ramah nitin motor chesual (motor sut leh accident etc.) vangin mi 200 vêl an thi ziah asin. Chu’ng mi 200 zînga i tel loh avângin lâwmthu sawi mawlh mawlh rawh.
Nungdama i la awm hi Siamtu zahngaihna a ni. India ramah nitin mi 30 vêl zel chu mahni an intihlum asin. He thu i la chhiar avang hian i la intihlum lo phawt chu a nia! Chuvangin mahni intihlum duh khawpa rilru beidawnna i neih loh avangin i engkima i engkim chungah lawm hle ang che.
State ralmuang taka i lo chawrchhuah avang ringawt pawhin lawmthu sawi tur i ni. Kan chenna India ramah hian nitin helho (terrorist) kut tuarin mi 10 vel zel an thi ziah a, chu’ng zinga i tel loh avangin lawmna chang hre thar leh mawlh rawh.
Hmeichhia i ni emaw, mipa i ni emaw i awm mai mai lai pawhin lawmthu sawi mawlh mawlh rawh! India ramah nitin mi 50 vel chu pawngsual an tawrh avangin hrehawm takin an kun tlawk tlawk asin! Chu’ng, nitina mi 50 vel chunga pawikhawih lova i tan avang leh a thlentu i nih dawn loh avangin Siamtu hnenah lawmthu han sawi hlauh teh.
Khawvel sualna a sang telh telh a, tualthah pawh ngaihah kan nei ta! Nitin tualthah avangin kan India ramah mi 100 zelin nunna an chan a, chu’ng nun chân zinga i tel loh avangin lawmthu sawina chang hre tur i ni.
He India ram zauvah hian chenna In maktaduai 180 chuang ngawt a awm a, chu’ng zîngah ‘ka ta’ tia sawi ve tur i nei em? I neih loh chuan rilru siam thar nan hmang mawlh ang che.