Lord of the rings actor hian Katy Perry nen an inkar an tih tawp hnuin bul a tan that leh tur thu a sawi. June ni 30 khan english actor kum 48 a upa hian a instagram lamah Gautama Buddha thusawi chu rawn quote-in, ‘Nitin mai hi ni thar, bul tan that lehna ni vek a ni.Vawiin zela kan thil tih hi a pawimawh ber a ni’ tih thu a rawn pholang a ni.
A nupui hual Pop star kum 40 a upa Katy Perry nen hian June ni 26 khan an inthen niin an sawi a, hemi ni vek hian Bloom hi Jeff Bezos leh Lauren Sanchez te inneihnaah a liam lehnghal a, Kim, Khloe leh Kriss Jenner te nen Gritti Palace ah zanriah an ei hmuh a ni bawk.
Perry leh Orlando hi kum 2016 Golden Globes afterparty atanga intawng an ni a, hemi hnu rei loteah hian an inkar chu instagram leh Cannes Film Festival a an inlan dun atangin an nemnghet a, kum khat dawn an inzui hnuah 2017 khan inthenin 2018 khan an inzui hmuh dun an ni leh a, kum 2019 ah inhualin Perry hian nau a pai nghal bawk.
Pandemic avangin kum 2020 a inneih an tum chu thulh a ni a, August 2020 khan fanu Daisy Dove Bloom an nei nghal bawk a ni. Bloom hian a nupui hlui Miranda Kerr lakah fapa a nei bawk.
An tum dan angin kum 2020 khan lo innei ta se an la innei tluang zel ang em? Tun dinhmun hi an thleng kher angem? tih chu zawhna awm thei a ni.