OD vanga a thih thelh hnu kum fe a vei hnuah zaithiam lar tak, Demi Lovato chuan nitin mai hi lawmna ni ah a chhiar thiam tawh, a ti.
Kum 33-na tur hmang chho mek hi 2018 khan drugs OD vanga Damdawi In-a dahluh a ni a, kum ruk chhung zet a harh fim hnu-a a tlusawp leh ta mai khan nghawng a nei nâ. Tunah chuan nun thar duhawm tak nei mekin, hun leh ni hman dan thiam a zir tawh a ni.
“He khawvela ka awm chhung hian nitin mai hi ni lawmawm vekah ka chhiar tawh. Kumin hi tute tan mah hian a awlsam lo viau mai. Mahse, kan inenfiah a, in enchian a, hmasawnna, than lenna, zirna leh damna mai bakah hmangaihna thehdarhna kum atan hman theih a tha hle ang,” tiin Demi hian a sawi.
Kum 2018-a OD vanga a talbuai vak kha chuti maia reh nghal duak thei a ni lova, a thil tawn khan nghawng a nei thui. Kum fe a vei hnuah pawh hian pangngai taka hun hman ngei tumin a bei fan fan reng tho a ni.
A hun tawn ang kha tuma’n tawng ve lo se a duh a, a thil tawn ang kha tu chungah mah thleng lo se, a duh bawk.