Aizawl: The Beautiful Learning India (TBLI), Mizoram chuan tun hnai khan American Library Association (ALA) Presidential Citation for Innovative International Library Projects Award, 2025 an dawng.
American Library Association (ALA) Annual Conference, June ni 26 atanga 30, 2025 chhunga Philadelphia, Pennsylvania a neih zawk takah ALA Presidential Citation for Innovative International Library Projects Award 2025 hi TBLI, Mizoram hnenah hlan a ni.
ALA Annual Conference ah hian America ram pawn a mi Library Project nei thate hnenah Award hi hlan thin a niin, he Award hi mahnia dil theih a ni lo va, ALA member te chauhin nomination hi siam theih a ni. Khawvel hriat a library huangchhunga Award ngaihhlut ber te zinga mi a ni.
ALA hi kum 1876 a din a ni a, an headquarter hi Chicago, Illinois a awm a ni a. Member pawh mi 62,000 chuang lai awmin, khawvel huapa library association upa ber leh member ngah ber a ni. ALA in a tum ber chu library tihhmasawn leh tihchangtlun te, library profession chawisan te a ni.
TBLI, Mizoram hi tlawmngai pawl niin May ni 24,2024 khan library service a awmte leh hetiang lama tui mi deuh intelkhawmin an din a ni.