AZL: July 6, 2025 Pathianni hi Mizoram Baptist Kohhran ni pawimawh, ‘Mission Sunday’ a ni a. He ni pual hian BCM chuan hun an hmang.
Mission Sunday hi kum tin, July Pathianni hmasa berah hman thin a ni. Kumin Mission Sunday-ah hian thupui chu II Lalte 7:9 thu ‘Hawh u, lal chhungte I hrilh ang u’ tih hman a ni.
Mission Sunday-ah hian Kohhran hote Ramthim rawngbawlna lama intihchak tawnna tur leh Pathiam ram tulna te inkawhhmuhna atan hman thin a ni a, kuminah pawh bial leh tualchhung kohhran engemawzatin Mission Convention leh Mission Programme an buatsaih a ni.
Kum 1949 khan July Pathianni hmasa zinga thawhlawm hi Tuikuk-Takam pual atan Assembly chuan a ruat a. Hun eng emaw chen a khaihlak deuhva, kum 1975 khan tithar lehin, July Pathianni hmasa ber hi Mission Sunday atan hman a lo ni ta a ni.