Kartawp khan Today’s Craig Melvin nen an inkawmnaah Orlando Bloom chu Katy Perry nen an inthen chungchang zawh a ni a, inhrethiam tawn tak leh engkima a tha ber ve ve induhsak tawn chunga inthen an nih thu a sawi.
Kum 48 actor hi a film thar The Cut promote mek niin, Perry nen chuan an mimal nun inzahtawnsak tak chunga inthen an nih thu a sawi a, fanu hmeltha tak Daisy an neih avanga a lawmthu leh, an fanu an hmangaih tawn dan pawh a la inang reng a nih thu a sawi.
An kalna line lam a inan loh avangin thil tam tak an tawng dun a, kawng hrang hrangin an inkar a lo hla ta deuh deuh zel mai si a, hei hi an inthen chhan bulpui ni bera a lan thu Melvin hmaah chuan a sawi bawk.
Kum 40 mi Perry leh Bloom te hi July ni 3 khan an inthen thu hi nemngheh a ni a, an fanu erawh thuneihna inang hmanga la enkawl dun zui zelin, Bloom chuan a tan pa tha ber nih a tum reng thu a sawi.