AZL: Govt. Mizo HS thawktu leh naupangten kum tin a an tih thin dan angin, TNT, Zuangtuiah Krismas thilpek nimin khan an hlan.
Zirtirtu leh zirlai naupangten an thawh khawm – ei leh in tur chi hrang hrang, thuamhnaw (Pick Up phur khat) leh pawisa fai Rs 30,000 chu TNT-ah hian zirtuten an hmunah kalin an va hlan a ni.
TNT hotuten lo dawng sawngin, hetiang thilpek hlu tak mai Govt. Mizo HS ten an hlan hi an lawm takzet tih an sawi.
Govt. Mizo HS hian Home hrang hrangah hetiang Krismas thilpek hlan hi kum eng emaw chen atang khan an lo kalpui tawh a. Zirlai naupang nu leh pa ten an phurpui thin hle a, an beisei aia tam thilpek hlu tak tak hlan tur an neih thin avangin sikul hotuten zirlai nu leh pa te chungah lawmthu an sawi bawk.