Aizawl: Central YMA President R Lalngheta’n Nilaini zan khan YMA kumpuan, ‘Ruihhlo Do’ a hawng a. Ruihhlo zuarte chu sim tur leh eizawnna dang ngaihtuah turin a chah.
Central YMA Vice President Prof. Lalnuntluanga kaihhruai, Vana pa Hall-a YMA kumpuan inkhawmah R Lalngheta chuan, zanin tangin khawlai a an unaute thle mai mai riahna tur tha neilo te, CYMA kumpuan ten hma la tanin TBCC ah dah thlak tan leh an ni dawn tih a sawi a. Ruihhlo zuarte chu mi chhungkua nasa takin an tibuai tih sawiin, “Zanin atang hian in ruihhlo zawrh lo sim tur leh eizawnna dang lo ngaihtuah ka chah che u,” a ti.
Ruihhlo do hi a sawt tih a takin a hria tih sawiin R Lalngheta chuan, “Pafa inbe thei tawh loten inngai taka an han awmho/inkawm lehte hmuh hian a hlawhtlinzia kan hmu. Ruihhlo kan do hi kan thawk thlawn lo. A la ti ve loten an tih loh nan inzirtirna tam zawk kan neih a ngai,” a ti.
Ruihhlo ngai te diriam lo va, an tana tha turin YMA hruaitute, ruihhlo ngaite chhanchhuak tura puanven sawi chhing a, fimkhur tak leh dik takin ruihhlo do tura chahin Central YMA President chuan, dan chunga leng an nilo tih erawh hre thar tur leh, dik tak leh huai takin ruihhlo do turin kalkhawmte a sawm.
YMA kumpuan hawnna inkhawmah Central YLA hruaitute sawm an nih angin, JH Lalrindika, General Secretary in thu tawi a sawi.
Inkhawmah hian Central YMA chuan ruihhlo ngaite enkawlna neitu, Lalruatpuii, Founder Operation Kingdom Ministry (OKM) leh TT Zohmingthanga, Tawngtai Bethel Camping Centre (TBCC) te hnenah chawimawina thuziak an hlan.
Kumpuan hawnnaah hian Aizawl khawpui chhunga YMA Branch 112 aiawh mi paruk theuh an tel a ni.