Aizawl: Mizoram State Legal Services Authority-in Aizawlah Lok Adalat an buatsaihah Inrinni khan thubuai 1,037 an ching fel.
Lok Adalat hi Court-a kal kher ngai lova thubuai chinfelna niin, thla tin buatsaih thin a ni a. A tlangpuiin leiba inthinna thubuai te, nupa inkar thubuai leh in hmun buaina chu thubuai ngaihtuah zinga a tam pawl a ni tlangpui a ni.
MINECO-a Mizoram State Legal Services Authority Office-a Lok Adalat buatsaihah hian kum liamta 2025 chhunga thubuai 1,037 chinfel a ni.
Mizoram State Legal Service Authority-in Lok Adalat an buatsaih hi Gauhati High Court Judge, Mizoram State Legal Services Authority Executive Chairman ni bawk, Justice Nelson Sailo-in a hmanpui a. Lok Adalat-a thubuai neite chungthu ngaihtuahpui an nih dan chu tha tawk tak ni-a a hriat thu a sawi.