Aizawl: Mizo Diaspora Cell-in UAE-a Zofate dinhmun ngaichangin an bepawp reng tih an sawi.
Mizo Diaspora Cell (MDC) Chairman Vanlaldina Fanai chuan Thawhtanni khan thuchhuah siamin Mizo mipui Middle East ram lama tangkhang emaw, tanpui ngaite ema tana Indian Embassy/Consulate emaw, Mizo Diaspora Cell-te emaw biakpawh theih reng an nih thu a tar lang a, buaina huam china awmte chuan passport leh visa copy, document pawimawh-te photocopy/ soft copy neih that a, original a bo palh pawha backup copy kawl that te, phone number pawimawh bik mahni emergency contact-te chhinchhiah turin a ngen bawk.
MDC chairman chuan Middle East-a awm mek Zohnahthlak mipuite chiai mai lova sorkar thu ngaichang tur leh zawm turin a ngen a, an awmna rama Indian Embassy/Consulate-te thuchhuah ngaichang tur leh awlsam zawka Mizoram sorkar nen chanchin inhriat pawh theihna turin Mizo DiasporaHub-a in-register theuh turin a hriattir bawk.
Vanlaldina Fanai chuan chief minister enpuina hnuaiah Mizo Diaspora Cell chuan Middle East rama awm mek Mizo mipuite dinhmun a ngaihven reng a, an dinhmun thlithlai chungin hriat tur tul apiang inhriattir zel a nih tur thu thuchhuah hian a tar lang bawk.