Khawlum vanglai hian lirthei ke li nei (Ke hnih nei pawh tiamin) te hian mihring hriselnaah pawi lian tak an khawih thei niin, zirchiannain a tarlang.
Lirthei khalhtute hian hrik (germs) hlauhawm tak, ‘Bacillus cereus leh Staphylococcus’ lakah an him lo hle a, a chhunga an luh veleh heng hrik te hian an zar buai thei.
A bik takin, ke li nei chi-ah hian a nasa lehzual a, heng hrik te hian thil ei sual, luak leh vun-a harsatna hrang hrang an thlen thei bawk.
Zirchiannaah hian heng hrik te hi- steering wheel, gear-stick leh kawngkharah te an bet fur tih an hmu chhuak.
Staphylococcus hi inkaichhawn theih a la ni lehnghal a, vun natna buaipui awm leh thil ei sual te thlengin mihringah harsatna a thlen.
Bacillus cereus pawh hian thil ei sualah mawhphurhna a nei lian hle bawk a, nasa taka luak leh kawthalo thlengin a thlen thei bawk.
Aston University, microbiology deptt.-a mithiam, Anthony Hilton chuan, “Bacteria hrik tam tak hi chu an hlauhawm lem lova, chutih laiin, a then erawh buaipui tham an ni,” a ti.