Aizawl: MCC bawhchhiatna awm nia sawi chungchangah Congress Party-in complaint an theh lut.
Nilainia Saikhamakawna minister motor (MZ01 T 3141) hmanga campaign an awm nia sawiah MPCC Legal Cell chuan Election Model Code of Conduct (MCC) bawhchhiatna a awm nia ngaiin, Ningani khan State Election Commssion leh MPF Hqrs. Aizawlah complaint an theh lut.
Complaint an theh luhah hian Nilaini zan dar 8 khan Saikhamakawn Apex Bank kawtah minister leh adviser to CM chuan an official car leh designation plate tar chungin State Election Commission-in AMC inthlanna neih tura MCC a puan pawisakna leh zah derna tel miah lovin ZPM candidate a tlin theih nan nasa takin an campaign tih hriat a nih thu an sawi a. Hemi chungchangah hian State Election Commission leh MPF Hqrs. chu a tul anga hma laa bawhzui turin an ngen a ni.