Aizawl: Aizawl Municipal Corporation (AMC) inthlana vote tlate chhiar nia AMC Ward I huam chhunga Zuangtui II EVM (Control Unit) nuar chu Thawhlehni chhun dar 12 khan chhiar a ni.
Zuangtui II EVM nuar hi vote chhiar ni chhiar theih mai a ni lo a Dr. H. Lalthlangliana, Commissioner, SEC pisaah chhiar a ni ta a ni.
EVM engineer-in a sawi dan chuan a khawl chu kum 15-a upa a ni tawh a, bawlhhlawh lutte a awm thei a, hei vang hian chhiar niah a chhiar theih loh niin a sawi a. RO chuan enchhinnaah pawh a that vek thu a sawi.
EVM chhiarnaah hian Mizoram Journalist’s Association (OB), General Observer AMC Election, politicap party aiawh, Municipal RO te an tel a ni.
SEC chuan result an puan hnan chhan sawiin, Ward I-a vote hmu hnem ber leh a dawttu inthlauhna chuan Zuangtui II-a vote awm zat, 644 chuan inthlauhna a tibuai pha tawh lo a ni.
Zuangtui II Control Unit vote thlak dan chu MNF – 254 , INC – 110, BJP – 9, ZPM – 268, NOTA – 3. A vaiin 644 a tla a ni.