Aizawl: National Students’ Union of India, Mizoram State (NSUI-Miz) chuan MBSE-in HSLC leh HSSLC result a tihchhuaha resulth khaikhawmnaah result quality, division hrang hranga pass zat mipui hriat theih loh tura an kalpui ta chu pawi an tih thu an sawi.
Thuchhuah an siamah NSUI-Miz chuan, kumin a MBSE-in HSLC leh HSSLC result a tihchhuah takah tunhma anga Top 10 tarlan a ni ta lo mai ni lovin result khaikhawmna (abstract)-ah takngial pawh result quality, division hrang hranga pass zat mipui hriat theih loh tura kalpui a ni ta hi a pawi an tih thu an sawi a. Pass percentage a that chuan an lawm ringawt mai dawn ni a lang hian zirna quality a tihhniam an hlau hle tih an sawi.
Zirna sang zawk chhunzawmna kawngah zirlaite hi pass ringawt lo va, division tha tak, percentage sang taka an pass ngei theih nana hmalak a, inelna thianghlim siam a ngaih lai a, result quality ber thup a ni tlat chu pawi an tih thu an sawi bawk.