Khua a chhia a, thli leh ruah kan dawng tam a, sorkar in zirlaite hmakhua ngaia chawlh a puang thin hi a lawmawm hle.
Naupangte hi tun hma ang ngawta en liam mai chi an ni tawh lo a, khawvel hmasawnna a san ang zelin an in update chho ve zel a, kan ngaihsak pawh a tul hle reng a ni.
Hetih lai hian khaw awmdan tur kan thlirlawk thiam tawh a, en mai theihin mahni phone-ah pawh kan nei tawh hlawm bawk. An chawlh tur leh tur loh hi tun aia hmaa kan tihchiansak theih a tha hle.
Zing lamah chawlh an han puang chauh thin hi chu a tlai mah mah thinin a lang. Thenkhat chu school kalna hla tak tak leh inpeih hma ngai tak takte an ni a, khaw awm dan en leh thlir chungin sorkar hian zan lamah tal hian chawlh an puang leh dawn a nih pawhin puang thin se, naupangte hmakhua an ngai tak tak a nih chuan a puang theitu lam pawh hi inhmakhua thei ve se a tha hle mai.
Zirtirtute chuan chawlh an la thei a, huh chunga school an kal a nih pawhin anmahni office lamah intih hulna tur an nei thei a, naupang zawkte hian nilengin hrehawm an tuar thei a, hahdam leh nun nuam zawka an awm theih nan chawlh an puang leh a nih dawn a nih pawhin zan lam atangin sorkar hi inpeihfel hman thei se la, khawchin thlir chungin school chawlh puante hi hma thei deuh teh se.