Zaithiam Zayn Malik chuan US tour neih tuma a lo inbuatsaih mekna chu cancel rihin, a album tihchhuah mai a tum tawh pawh a cancel leh rih.
Zayn chuan he thu hi a social media lamah dahchhuakin, damdawi in lama a awm avanga he thil hi sawi ngai ta a nih thu a sawi a, fans te chuan hrethiam hram se a duh thu a sawi bawk.
‘Ka album hmuchak leh min lo phurpuitute zawng zawng chungah ka lawm a, inmi duhsakna leh hmangaihna zawng zawngah lawmthu ka sawi. In tan hun rei zawk ka hman theih nan ka hriselna ngaihtuah a ngai si a, ka thutlukna min zahsak hram turin ka ngen a che u,’ a ti a ni.
Kum 33 mi Malik chuan, ka dam anga tun aia tha zawkin lo let leh ngei ka tum ang. Tour hrang hrangah kan inhmu leh vat dawn nia, a ti bawk.
KONNAKOL tour nei tura inbuatsaih mek chuan, ka lo dam tha ta deuh a nih pawhin schedule tihdanglam ngai a awm nualin a rinawm a, fans te hriatthiamna ka dil a, in tan hun tam zawk hman leh thuai erawh ka tum ang, tia sawiin, khawvel hmun dang dangah pawh inlan leh thuai a tum thu a sawi bawk.
Malik hi a hriselna lam a hniam deuh avangin damdawi ina enkawl mek a ni a, a album thar tihchhuah hun tur leh a tour neih tum pawh cancel rihin, a hun leh ni tur chu doctor te thurawn anga a hmalam ni ngei tura a beisei thu a sawi.