Katy Perry leh a kawppui Justin Trudeau te chuan hlim laini am taka chen dunin hun an la hmang reng a, kartawp hun hlimawm tak pawh an hmang dun leh ngei tih a chiang e.
Kartawp khan zaithiam kum 41 mi hian a thlalak hrang hrang phochhuak lehin, kum 54 mi a kawppui nena inhaw lo taka an lengdun lai a tam leh hle a, supermodel Miranda Kerr te nena an thlalak pawh a tel bawk.
A caption pakhatah chuan April thla duhawmna chu May ah pawh a rawn par mawi zel e, a ti a. Lungawi tak leh ngaihngam taka Trudeau-a bula hun a hmang lai a tam leh hle a ni.
Ziah tawh thin angin an pahnih hian nikum July thla khan an inzui tan nia sawi an ni a, December thlaah an ni nghet tih erawh an puang chiang chauh thung.
Tunah chuan vantlang hmaah pawh thup tit tet nei tawh lem lovin inhaw lo takin an inzui mek a, chawlh an neih dun apiangin hun an hmang dun thin a ni.
Katy hian a pasal hlui Orlando Bloom nena an fa Daisy Dove, kum 5 mi kawlin, Trudeau pawh hian a nupui hlui Sophie Gregoire nena an fate Xavier,18, Hadrien,12 leh Ella-Grace,17 te chuan Katy chu an ngaina hle niin a sawi ve bawk a, an kianga lo awm ve chang an nei thin niin a sawi.