Zaithiam Ellie Goulding chuan a vawikhat nan a kawppui Beau Minniear nena an fa hmasa ber thlalak chu a rawn tarlang ve ta.
Kum 39 mi zaithiam chuan a fanu Iris Edaline chu March 6 khan a nei a, tun tum hi vantlang hmuh theih tura a tarlan hmasak ber a ni.
March thla khan Goulding hian a IG lamah fanu duhawm tak a neih thu hi lo sawi tawhin, a hriselna a that thu leh a kawppui Minnear,28 nena an hlimna chuan van a tawng hial thu a lo sawi tawh a ni.
An pahnih hian nikum September thla atang khan an inzui tan a, an inkara hmangaihna chuan zual lam pan zelin, March thla khan an fa hmasa ber hi an nei a, tun hi vantlang hmuh theih tura an fanu an tarlan hmasak ber a ni.
Goulding hian a pasal hlui Casper Jopling nen fapa Arthur, kum 5 mi an lo nei tawh a, tuna a kawppui Minnear nena an fa hmasa ber chuan a ngaihtuahna zawng zawng a la luah rih thu leh rimawi lama a let leh hun tur engmah a la hriat loh thu a sawi.