Robert Downey Jr. chuan social media khawvelah kan chen tawh avangin a theih ang anga pumpelh a, hmansual theihna lakah phei chuan fimkhur hram hram a tum thin thu a sawi.
Ka fate tan hian pa tha tak nih ka tum a, an nunkawng hi thui tak ka kutah a innghah avangin a theih anga social media hman sual loh hi ka hna a ni, a ti.
Tunah chuan mitinin phone kan nei a, kan duh duh kan sawi thei a, kan phone atangin engkim kan tithei tawh bawk. Heng zawng zawngah hian negative comment a tam thei em em a, kei chuan en kan ka tum a, insiamthat ngaihna lai tam tak hi a awm a ni, a ti bawk.
Social media-ah chuan ka sawi ni miah lo kha ka sawi angin a awm thei a, ka duh duh ka tih theih laiin ka duh loh thleng thlenga kal theih a ni bawk. Kan hman thiam loh phei chuan chhiat vek theihna a ni, a ti a ni.
Kan next generation tan hian eng nge kan hnutchhiah tih kan inhriat a, kan fimkhur a, social media hmanga eizawngte pawhin kan topic kan thlan thiam a ngai hle a ti bawk.
Ka fate hi an hun awla social media lama an luanral mai mai hi ka hlau a, chu aichuan video game khelhpui mai pawh tha ka ti zawk, thu tak leh dik, tawngkam mawi hi kan zawnsak hram hram reng a ngai, tiin tunhnaia an kawmna pakhatah Downey Jr. chuan a sawi.