Aizawl: Sorkar laipuiin chhiah chawi dan thar a duan, New Income-Tax Act, 2025 chungchanga inzirtirna leh inhrilh fiahna hun chu nimin khan MINECO Auditorium-ah hman a ni.
Income-Tax Department (NER), Aizawl-in Commissioner of Taxation Office-a an buatsaihah hian Commissioner of Income Tax (Shillong) Lalramsanga Sailo New Income Tax Act 2025 hnuaiah hian chhiah pek a awlsam zawk thu leh, engkim a langtlang lehzual tawh thu a sawi a. “Mipui pawhin heng dan tharte hi ngaihven nachang kan hriat a pawimawh a, hriat fiah loh kan neih pawhin department zawh fiah hreh loh tur,” tiin a chah a. Department thawktute pawh mipui zawhna leh harsatnate tha taka lo dawngsawng turin a chah.
He hunah hian dan thar hnuaia thil pawimawh zual — digital-a file dan te leh TDS chungchangte sawifiah a ni a. Tlangmite tana hriat tur pawimawh, dan hlui Section 10(26) ni thin hnuaia Scheduled Area-a tlangmite Income Tax exemption (chhiah chawi lohna) kha mahni hmunah chuan dan thar, Schedule III, Sl. No. 19-ah chhunzawm zel a ni.
New Income Tax Act 2025 hi kumin April ni 1 atang khan hman tan a ni tawh a ni.
He hunah hian sumdawng pawl hrang hrang, zirna in aiawh leh tlawmngai pawl hrang hrangte an tel a ni.