Kan state thenawm Manipur a buai a, hun hmasa lam atanga vawiin thlengin kan state chhunga rawn raltlan an awm a, an tawrhna leh harsatna tawh hrang hrang hi a pawiin, an khawngaihthlak hle.
Politics leh sakhaw lam hawi bakah, kawng hrang hrangin remna a awm theih nan hnathawh leh inbiaknate pawh neih fo a ni a, mahse vawiin thlengin ralmuan ni tak tak a la awm thei lo.
Nimin piah maiah thil thleng duhawm lo tak a awm zui a, sakhaw rawngbawltu pathumte kahhlum niin, hliam tuar an awm bawk.
A titute hriat la ni lo mahse kohhran kutke, sakhaw rawngbawltu, mipuite thlamuantu, mangang leh hrehawm taka an awm lai pawha tawngtaisak bang lotute chunga nunrawng taka chetna a thleng hi a pawi a, a titute hriatchhuah a, dan hmanga rorelsak thuai thuai an chakawm hle.
Ram hrang hrang a lo buai fo tawh a, a la buai mek an awm bawk a, hengah te hian an buaina ki inang lo hlawm viau mahse sakhaw mite erawh a zahin, an thu an ngai pawimawh a, intihchak leh infuihthar nan thlengin an lo hmang tawh thin.
Manipur a sakhaw rawngbawltute chunga hetiang a thleng hi a pawi a, a nunrawnthlak a, sorkar hian kan unaute thlavang hauh talin awka chhuah ngei bawk teh se.