An thawm a reh dun vang vang a, vantlang hmuhah phei chuan kum 2024 daih tawh kha an pahnihna an inlan dun a ni tawh. Kartir khan Justin Timberlake leh Jessica Biel te chu inhaw lo taka an inkaichhuak lai hmuh an ni.
Zaithiam Timberlake hi kum 45 mi ni tawhin, nikum khan hmun hrang hrangah ‘The Forget Tomorrow World Tour’ neiin, hetah hian mipui hmuhah Biel hi inlan ve lem lo mahse, a lang lo lama lo pawimawh ber a ni reng tho a, social media lamah pawh an hun pawimawh hrang hrang tarlan a thulh chuang lo.
Kum 44 mi Biel hian January thla khan 2026 Critics Choice Awards-ah inlanin, red carpet a zawh a, hemi tuma an kawmnaah hian a pasal chu a ngaihsan thu leh a tan a awm reng tur thu sawiin, mi hmuhah inlan dun tam lo mahse, inpawh takin hun an hman dun thin zawk thu a lo sawi tawh a ni.
Kum 2012 khan an pahnih hian inneiin, an inneih hnua Jessica Biel inchhungkhur enkawl zui dan hian fak a hlawh chho hle.