June 17 kha Lindsay Lohan pasal Bader Shammas birthday a ni a, Lohan chuan piancham lawmpuina thuziak a tarchhuak nasa hle.
Kum 39 mi Lohan hian a pasal chu hmangaihna ngah, pasal rintlak leh pa a nih anga tihtur hre em em a nih thute a ziak kur nasa hle a, an pahnih thlalak bakah an fapa nena an thlalak hrang hrang a tarchhuak bawk.
‘Kan fapa Luai nena min enkawl dan zawng zawngah hian kan lawm a, i rinawmna, hmalam hun eng tak ni tura min hruaina leh kan tana i awm reng avangin kan lawm e,’ tiin a pasal piancham lawmpuina hi a ziak a ni.
Anni pahnih hi kum 2020 atang khan an inzui tan nia sawi an ni a, November 2021 ah inhualna neiin, July 2022 khan an innei zui nia sawi an ni a, an inneih pawh hi sawmbik tlemte nena langsar lo taka hmang an ni.
Kum 2023 July thla khan an fapa Luai piang bawkin, tunah hian an chhungkuain Dubai, UAE lamah an khawsa mek.