Aizawl: Mizorama Special Intensive Revision (SIR) kalpui mekah tun dinhmunah Enumeration Form 8,68,386 digitalize tawh niin, Mizoram chu India ram state zinga a titha ber a ni.
M.C. Hall, Durtlangah leh Zonuam YMA Hall-a Aizawl North I leh Aizawl West I-a Electoral Registration Officer (ERO), Assistant Electoral Registration Officer (AERO) leh Booth Level Officer (BLO)-te nen Special Intensive Revision (SIR) chungchanga thutkhawm neihah DEO Er Lalhriatpuia chuan India dan pui Article 324 hnuaia SIR a kalpui mekah Mizoram chu India ram state zinga a titha ber a nih thu a sawi a. He dinhmuna Mizoram a din theih chhan chu thawktute inpekna leh thahnemngaihna vang leh mipuiten sorkar an thawhpui that vang a nih thu a sawi.
Mizorama SIR kalpui mekah tun dinhmunah EF 8,68,386 digitalize tawh niin, hei hi vote nei zawng zawng 99.24% a ni.