Blackpink member Lisa chuan a kawppui nen an laka fan te chet dan leh a privacy an zahsak avangin lawmthu a sawi.
Vanity Fair-in an kawmnaah Lisa chuan Frederic Arnault nen an inzui tan atangin fan ten a privacy an zahsak a, an chimbuai lo leh nun thawl tak a nei thei chu a lawmthu sawiin, amah ngainatute duh dana awm chu a thiltum leh lawmthu sawi nana a thilpek let ve duh ber a nih thu a sawi.
Kum 29 mi K-pop star chuan a nun dan chu nin chang a ngah thin thu sawiin, a chang chuan hun thawl leh nuam tak hman a, tuma chimbuai loha awmte hi ka chak thin hle, a ti bawk.
March thla kha Lisa birthday niin, a lawmnaah hian a kawppui nia sawi Arnault hi a tel lo a, an inthen nghet tawh nia tarlan niin, an kawmnaah pawh hian Lisa hian engmah a sawichiang duh lo.
Lisa hi kum 2016 khan Blackpink a a member pui Jisoo, Jennie leh Rose te nen an rawn lar tan a, amah bik hian a solo album hmasa Alter Ego chu February 2025 khan a tichhuak bawk.
A single thar ber “Bad Angel” chu April thla kha DJ Anyma nen an tichhuak bawk a ni.