Khawvela neih inang inkawpa, innei zui ta tam tak zinga a lar ber pawl, talk show host hlui ni bawk, Ellen DeGeneres chuan a kawppui Portia de Rossi nen an inneih kum 18-na hmang mekin, an nun hlimna hrang hrang a sawichhuak.
Ellen hi kum 68 mi ni tawhin, a talk show host lai atanga lar hat leh milar tam tak platform lo siamsak tawhtu a ni a, a anpui kawpa an inneih zui lehzel avangin sawi an kai nasa hle.
Mahse, heng zawng zawngte hi tuardai chho zelin, tunah chuan kum 18 lai an lo innei ve ta a, heng hun chhung zawng zawng hian hlimna a chhar thar zel thu a sawi a, an inhriatthiam tawnna leh inhmangaihna chu a la dai lo niin a sawi a ni.
Ellen leh a kawppui de Rossi, kum 53 mite hi August 16, 2008 khan an innei a, a anpui nupui atana a neihna chu a inchhir ngaih loh thu leh khawvela hmeichhe vannei ber a nih thu a la sawi bawk.
An pahnih hian kum 2004 December thla atanga inngaizawng tan nia sawi an ni a, an inneih kum 18-na pawh August thlaa a pum hunah a theih anga nasa a lawm ngei an tum thu a sawi.