Jennifer Aniston leh a kawppui Jim Curtis te chuan nipui khawlum hun chu hahdam taka hman tumin, hun nuam tak an hmang dun a, an thlalak thenkhatte hi Aniston chuan nilaini khan a rawn tarchhuak.
Kum 57 mi Aniston leh a kawppui kum 50 mi Curtis te hi nikum July thla atang khan an inngaizawng tan nia sawi an ni a, an anniversary lawm pahin hmun tarlan lohah hlim takin hun an hmang ni ngeiin a lang.
January thla khan a kawppui Curtis hi Today show-ah inlanin, Aniston nen an inkar chungchang an zawhna chu an thiante kaltlanga inhria a, thian thuhmun an neih avanga inbepawp zui ta mai an nih thu a lo sawi tawh a, an inhmangaihna erawh a nghet chho hle niin a sawi.
Summer boruak hlimawm leh an inkawp cham an lawm meknaah hian an thian hnai tak tak Naomi Watts, Billy Crudup, Amanda Anka leh Jason Bateman te pawh an tel a, inhaw lo takin Aniston leh Curtis te hian lenlai an chen chho mek a ni.