World Cup khelh mek niin, nizan atang khan quarter-final khelh tan a ni a, final hun pawh ropui taka hman tum niin, zai tur zingah Justin Bieber a tel thu tarlan a ni.
Canadian pop star hian Madonna, Shakira leh BTS te hnungzuiin, half-time show-ah hian a inlan dawn a, July 19 ah tumdanga la tih ngai loh angin he show hi kalpui tum a ni.
Final boruak hi ropui taka hman tum niin, half-time lai hian mipuite tan ennawm ropui chhuah tum a nih thu sawi a lo ni tawh a, milar rual an fuankhawm dawn.
Final game an khelh hmain closing function hmanga bul tan tum niin, hei ringawt pawh hi thlir chakawm a ni tawh a, chutah half-time chawlh laiin Super Bowl half-time show an tih angin zaithiam rualte hi an inlan dawn bawk.
Bieber chuan a phur tawh thu leh world cup avanga mipui heti zat pungkhawm leh thlir rawn chu ropui a tih thu a sawi a, chutah show-a inlan ve tura an sawmna chu hnar phal chi a ni loh thu a sawi.