Aizawl: Minister pathum – C. Lalsawivunga, Horticulture Minister; B. Lalchhanzova, Revenue Minister leh Lalnghinglova Hmar, Tourism Minister te chuan Inrinni tuk khan Horticulture Centre, Chite Veng, Aizawl an tlawh.
Mizoram sorkar chuan kum 2023 atang khan project pahnih, ‘Development of Pilgrimage & Heritage Tourism Facilitation & Congregation Centre’ leh ‘Aizawl Convention Centre’ te hi Horticulture Centre, Chite hmunah bul an lo tan tawh a. Project-te avang hian horticulture department hmalakna hrang hrang – Scion bank (M. Orange), Anthurium garden, Dragon fruit Nursery, Rose Garden, Godown cum Cold Room, Vermicompost unit, Water tank leh Water Pump House chu tihchhiat a ngai a ni.
Tun dinhmunah heng hmalakna hnuaia building-te hi hman theih tura sak zawh tep a ni tawh a. Amaherawhchu, inkalpawhna kawng tur a awm loh avangin ninister pathumte hian tlawhin a kalkawng turte siam fel dan tur an en a. Heng building-te hi mipuiten tangkai taka an hman thuai theih nan hmalak dan tur leh kawng sial dan tur an en ho a ni.
Minister-te hi an department chan theuha officer te, Chite veng khawtlang hruaitute leh ZPM Aizawl West II hruaituten an tawiawm.