Khawvel mi lar zinga tun hnaia inngaizawng thar Lewis Hamilton leh Kim Kardashian te chuan an hlim vanglai an chen.
Formula 1 star lar Lewis Hamilton chuan a bialnu Kim Kardashian leh a fate nena an chawlh hman dunna thlalak phawrh chhuakin, Kim-i pi a boral ruala a thuchah ken, “I mite hnaih tlat rawh,” tih chu a sawi lang.
F1 star hian an chawlh hmanna thlalak hrang hrang chu a social media account lamah a pho chhuak a, chutah chuan Kim Kardashian (kum 45) leh a fate nen tlang lawnin, tuiah an cheng a, jet ski-te khalhin, movie te an thlir ho a ni.
He hun hlimawm takah hian Hamilton-a vahnu Willow leh a vahpa Kaiden te pawh an tel nghe nghe.
Thlalak dang pakhatah phei chuan Kardashian, Hamilton, leh Kim-i fapa Psalm (kum 7) leh a fanu Chicago (kum 8) te hlim taka an ding tlang lai hmuh tur a awm.
Hamilton-a’n “I mite hnaih tlat rawh,” tia thuchah a ziah chhuah atanga reiloteah, Kim-i nu Kris Jenner chuan a nu (Kim-i pi) Mary Jo “MJ”Shannon chu kum 91 mi niin a thih thu a puang zui a.
He thil thleng avang hian SKIMS dintu Kim Kardashian chuan a ‘thian tha ber’ a lo tih thin a pi puala sunna thuchah ril tak a hnutchhiah a. Kim chuan, “Ka pi hmeltha MJ, ka thian tha ber, ka titipui ber leh ka pianpui phir ang maia ka ngaih…” tiin kum tam tak chhunga an chhungkaw thlalak hlui leh thlalak thar te, an inbiakna thlalak (screenshot) te nen a pi chu a thlah a ni.
Chawlhkar hmasa lam khan Kim Kardashian pawh hian an zinna thlalak hi Instagram-ah a lo tarlang tawh a. Chutah chuan a bialpa Lewis Hamilton leh a fanu Chicago-te nena an selfie hmasaber nia ngaih chu tar langin, “Ka mi ngainat berte nen dila kan hun hmanna,” tiin caption a hmang nghe nghe.