Aizawl: Excise & Narcotics Department leh an thawhpuite chuan Opium an man.
Excise & Narcotics Department leh M|P Kumpuan Committee, Siaha leh YLA Niawhtlang branch hruaitute thawkho chuan July ni 17, 2026 (Zirtawpni) chawhnu dar 3:10 khan Niawhtlang, Siaha District-ah Opium kg 6 & gram 870 leh a neitu nia puh mi pahnih, Lesa (40) s/o Lekung, Zesaw khua, Chin State, Myanmar leh Chungnuamthanga (41) s/o Chhumluaia, Niawhtlang (Noaotla-II), Siaha District-a khawsa nia inchhalte an man.
He Opium hi Mindat khua, Chin State, Myanmar atanga ken luh niin, Lawngtlai leh a chhehvela tihral tum mek lai a ni.
Opium vanga mante hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, July ni 18, 2026 khan Court-ah hruai nghal an ni.