Khawvel ennawm ropui tia sawi thin FIFA world cup 2026 final chu kan ram sanaa pathianni zanlai khan khelh niin, Mizoram sorkar chuan a tuk thawhtanniah zirna in zawng zawng leh sorkar pisate half holiday a puang.
Football en nasa ram kan ni a, kan thalaiten kan awmna India rama football hmanga an thlen chin pawh hi a nep lo. Football khel thiam lo leh ngaisang reng reng lo, a ram mipui tlemte chauhin an en ve chauh football in kan ram bik min luah hneh hi a pui a, a nep lo hle a ni.
Sorkar in kan thalaite leh zirlaite hmakhua ngaia chawlh an puansak ngam hi an fakawm a, a tute pawhin hahdam leh ngaihngam takin kan en theih phah a, final inkhelh zawh boruak thlengin kan tante chak leh chak loh kan lawmzui dan pawh hriat thiam a ni bawk.
Nakinah chuan football hmang hian sang tak kan la thleng ve thei ngeiin a rinawm a, kan awmna India ram hian la tuichilh ve hlei thei lo mahse kan ram thalaite hian kawng dik an zawh chuan sang zawkin kan la thleng ngeiin a rinawm a, mahnia ro inrel thei kan nih hunah ngat phei chuan keini aia ram te zawk pawh an tel thei a nih chuan kan tel ve hun hi a la thleng lovang tih a sawi theih loh.
Football tuipui leh a ngaihna hria, tuichilh a en nasa hnam kan nihna hi khawvel zau zawk atang pawhin hriat kan hlawhna tur a la ni ngeiin a rinawm e.