Bollywood lemchan thiam Preity Zinta chuan zirlaiten Delhi-a nawrh an huaihawt mek chu a thlawp thu sawiin, Sonam Wangchuk hmalakna chu a support tak zet thu a sawi.
Milar tam tak an ngawih thup laiin he thu hi X lamah Preity chuan sawichhuakin, Wangchuk chu a chaw nghei titawp a, intichak tur leh zirlaite hmahruaisak zel turin a ngen a ni.
Kan sorkar hian Wangchuk leh zirlaite harsatna leh duhna hi ngaihthlak sak se ka ti hle, inbiakna awmze nei awm thuai teh se, tiin Preity hian X lamah a post a, Wangchuk chu intichak a, India hmakhua ngai chunga thalaite kaihruai turin a fuih bawk.
Milar tam takin aw an chhuah ngam loh laiin Preity Zinta chuan huaisen taka zirlaite leh CJP ho chu kal zel turin a fuih a, harsatna thleng nasa thei lakah sorkar chu zirlaite awka ngaihthla a, an duhnate dawhkana chinfelpui thuai turin a duh thu a sawi.