Aizawl: Education Minister Dr. Vanlalthlana chuan Ningani khan New Delhi-a neih mek, Union Ministry of Education buatsaih ni hnih chhung awh ‘Two-Day Conclave of State/UT Education Ministers’ a hmanpui a, he hunah hian Mizoram zirna tihhmasawnna tura hmalakna leh hmachhawp lian zualte a sawi.
Dr Vanlalthlana chuan NEP 2020 zulzuiin Secondary leh Higher Secondary zirlaiten Science leh Mathematics textbook-te Mizo leh sap tawng inkawpa an zir tan thu leh, chawlhkar khatah ni khat Home Language Day leh Hindi Speaking Day-a ruahman a nih thu a sawi.
Thingtlang leh khawpui zirna inthlauhna sut kian nan Standardized Assessment for Elementary Schools (SAfES) hmanga common question system hman tan a nih bakah, PM POSHAN hnuaia cook-te hlawh chu state contribution a leta tihpun a nih thu leh, school calendar pawh January-December session-a thlak a nih tawh thu a sawi bawk.
Zirna in thuam that hna chak zawka a kal nan State PWD kuta hlan a nih thu leh VSK portal hmanga school endikna hman a nih hnuah Mizoram chuan Performance Grading Index (PGI)-ah hma a sawn chhoh mek thu sawiin Education Minister chuan, Samagra Shiksha budget hman zawh loh a awm chhan chu central-in SNA atanga SPARSH system-a a thlak avangin leh RBI timing inmil loh vang a nih thu a sawi.
He Conclave, Samagra Shiksha leh PM POSHAN chungchang sawi honaah hian Minister hi School Education Commissioner & Secretary K. Lalthawmmawia leh Samagra Shiksha SPD C. Lalthanzira te’n an tawiawm a ni.