ZPM party chuan Thawhtanni khan an party pisa-ah chhung inkhawm an hmang a. Agriculture & Allied Minister PC Vanlalruata chuan sawhthing hralhnaa support price pek chhuah hmabak Rs. vbc 13 chuang la awmte chu tun kar chhunga pek chhuah kim hman hram an tum thu a sawi.
Minister chuan sorkarin kuthnathawktute hnena thlai rate hre saa hna an thawh theih tura a tiam tawh chu a takin a tihlawhtling mek tih sawiin, kumin chhung hian support price kaltlangin sawhthing quintal 2,25,335 hralh a nih tawh thu a sawi a. Support price atan hian Rs. 37,24,36,279 pek tawh niin pek chhuah tur la bang Rs. 13,88,73,216 pawh tun chawlhkar chhunga pek kim tum a ni. Chutih rualin central scheme — Market Intervention Scheme (MIS) atangin Mizoram Agriculture Marketing Board (MAMB) account-ah Rs. 9,48,14,281 a lo lut fel tawh tih a sawi bawk.
Sawhthing process-na leh hmalakna hrang hrang sawi chhunzawmin, Vanlalruata chuan Chief Minister hmalaknain DONER atangin sawhthing sawngbawlna tur Rs vbc 30.13 dawn a ni tawh a, E-Tender hmangin a thawktu tur thlan fel a ni tawh. A hmunpui ber Mualkawiah dah a ni ang a, Vaphai, Tualcheng leh Zotlangah unit te zawkte dah tum a nih thu a sawi a. Chief Minister Rubber Mission hnuaiah phase 2 kalpui mek niin, kumin hian Tin 7,085 hmunah Tung chintur a ni. Oil Palm pawh hectare 7,260-a zau chinin, quintal 7,03,400 hralh chhuah a ni tawh tih a sawi.
Vanlalruata chuan ZPM sorkar chhunga contract hnathawh leh fund hman dante chu rinawm taka kalpui tur a nih thu leh, hnathawh chhe lutuk leh hlawhtlinna tam lutuk tum chu ZPM nen a inhmeh lo tiin a sawi bawk.