Tom Cruise leh Katie Holmes te fanu duat tak ni thin, a naupan lai zawng zawnga keh thei dawma an dawm Suri khan a hming tawpa a pa hming a dah thin chu official-in a paih ta.
Suri hi tunah hian kum 20 mi ni ve tawhin, college a kai ve mek a, dan ang taka a hming hi tidanglam felin, Cruise tih aiah a nu laiah hming Noelle tih a hmang ta zawk.
Pittsburgh, Pennsylvania-a Carnegie Mellon University-a zir mek Suri hian October 2024 a admission a tih pawh khan Suri Noelle tiin a lo inziak lut tawh a ni.
Cruise leh Holmes te hi November 2006 khan inneiin, an inneih hma April 2006 khan Suri hi a piang a, kum 2012 khan an inthen zui a, Suri hi a nuin a enkawl chhunzawm.
Zirna avanga a awmbo hnuah pawh a nu nen hian an la inhmu fo a, a nu chuan a fanu a chhuan thu hi a lo sawi fo tawh thin bawk. Hetih lai hian a pa Cruise, kum 64 mi nen erawh an inngaina lovin, a pa ro zingah hian chanpual tur a nei ve miah lo bawk nia sawi a ni a, hei hian a pa nena an inkar pawh a tichhe zual nia sawi a ni bawk.