Aizawl: Rural Development & Autonomous District (RD&AD) Minister Prof. Lalnilawma’n Mizoramin kum 2047-a India ram GDP-a 1% tal thawh ve a tum pawh Gram Panchayat atanga an thawhho chuan tlin ngei a rin thu a sawi.
Ningania SIRD&PR Conference Hall-a State leh District official-te tana ni hnih awh tur, VB-G RAM G chungchanga training buatsaih chu a hawnnaah thu sawiin, Prof Lalnilawma chuan, Gram panchayat level atanga thawhho a pawimawh thu a sawi a. Chief Minister-in a lo sawi tawh thin angin, Mizoramin 2047-a India ram GDP-a 1% tal thawh ve a tum pawh Gram Panchayat atanga an thawhho chuan tlin ngei a rin thu a sawi.
VB-G RAM G hnuaia a ngaihsak zual tura ruahman – water security, core rural infrastructure, leh livelihood related infrastructure-te chu a nihna tak phawk chhuak tura hnathawk tura chahin, training tha leh hlawk tak nei turin duhsakna a hlan.
He training hi NIRD&PR Hyderabad leh RD&AD Mizoram-te tangkawp buatsaih a ni a. NIRD&PR Hyderabad atangin resource person Dr. B. Suresh Babu leh Dr. GVK Lohidas te’n hun an hmanpui bawk.