Aizawl: Ministry of Housing and Urban Affairs (MoHUA) leh Ministry of Jal Shakti (Department of Water Resources, River Development & Ganga Rejuvenation) tangkawp chuan Jal Sanchay Jal Bhagidari (JSJB) hnuaiah ram pum huapin Catch The Rain Campaign, 2026 an kalpui mek.
He campaign hi ni 30 chhung tura duan a ni a, ruahtui khawlkhawm, leihnuai tui tihpun (recharge), tuikhuah leh tuikhur siamthat leh tui humhalhna kawng dangte chak zawka bawhzui a ni.
He hmalakna hian Mizoram pawh a huam a, AMRUT 2.0 scheme hmangin Urban Development & Poverty Alleviation (UD&PA) Department leh Public Health Engineering Department (PHED) tangkawp chuan ruahtui khawlkhawm leh tuikhur siam/siamthat hna nasa takin an thawk mek a ni.
Aizawl veng thenkhat-a AMRUT 2.0 hnuaia tuikhur siamthat leh siam tharte chu July ni 23 leh 24, 2026 te khan UD&PA Department Director Jacob Lalawmpuia leh Joint Director (P), R.L. Zidinga te kaihhruainain hawn a ni.
Heng tuikhur hawn takte hi khawtlang leh tualchhung mipuite tana tangkai taka an hman leh thianghlim taka an vawn a nih theih nan a hmun hma tualchhung Local Council te hnenah enkawl zui tura hlan nghal an ni bawk.