Peru-a khualzin phur thlawhna tê chi tlaah a chuang mi 13 an thi vek niin tual chhung chanchin thar leh Peruvian thuneituten an sawi.
Cessna Caravan C-208 hi Nazca Lines archaeological site chunga a thlawh laiin Inrinni khan a tla a, passenger 11 leh a khalhtu pahnih an chuang.
Passenger-te hi German leh Spanish pahnih ve ve leh Italian pasarih niin Peru-a sorkar news agency chuan a tar lang a. An chetsual chhan hi hriat a la ni lo.
Nazca Lines hi khualzinte hiptu niin Pru chhum lama Unesco World Heritage hmun zinga mi niin thlaera ramsa lem lian tak taka inziahna a ni a. Khualzinte hi van sang atanga lem ziak en turin thlawhna tê chi hmangin an thlawk fo thin.
“Tumah am chhuak an awm lo va, ruang pali kan hmu tawh,” tiin Police Major Jorge Andrade-a’n a sawi niin AFP-in a tar lang.
An chesual hun hi chhun dar 01:00 (India-a zan dar 11:30) vel niin Pueblo Viejo region-ah a ni a, Peru-a Pisco tumhmun atanga chhuak an ni.
Reuters news agency-in video a tihchhuahah chuan kang thelhtuten thlawhna tla keh khu vung vung chu tuia an phuh lai a lang.
Municipalidad Provincial de Nasca-in Spanish-a thuchhuah an siamah thlawhna hi Peruvian airline Aerodiana ta a ni.
Tun hi he lai hmuna thlawhna tla pakhatna a ni lo va. Kum 2022 khan khualzin phur thlawhna tê chi tho Nazca Lines-ah hian tlain a chuang mi pasarih an thi.
Kum 2010 pawh khan khualzin phur bawk tlain a chuang mi paruk an lo thi tawh bawk.