Aizawl: Planning & Programme Implementation Department Conference Hall-ah ‘The Society for Climate Resilient Agriculture in Mizoram’ (SCRAM) Governing Council thutkhawm chu Chief Minister Lalduhoma hovin Thawhtanni khan neih a ni.
SCRAM hi Mizoram chhunga lo neih leh thlai tharchhuah kawngah leh khawchhe laka invenna atana hmalakna hrang hrang tihlawhtling tura sorkar hnuaia ‘Fostering Climate Resilient Upland Farming System’ (FOCUS) project kaltlanga din a ni a. He thutkhawmah hian International Fund for Agricultural Development (IFAD) puihna nena kalpui tur FOCUS 2.0 project chungchang sawiho a ni.
Thutkhawmah hian FOCUS 2.0 kalpui dan tur rawtnate chu Chief Minister hmaah sawi fiah a ni a, thutkhawm leh huna ennawn leh tura rel a ni bawk.
He FOCUS 2.0 Project hi kum ruk chhung, April 1, 2026 atanga March 31, 2032 thleng kalpui tura duan chhin a ni.