Mizo National Front (MNF) pawhin Chief Minister Lalduhoma hi Remna Thuthlung (Peace Accord) leh Inner Line Permit (ILP) chungchanga a thusawi sut turin an phut a. Mipuite hnena ngaihdam a dil loh chuan total bandh huaihawt thlengin hmalak zui an tum.
Thawhlehnia Hnam Run-ah MNF thuneitu sang, National Core Committee, Political Affairs Committee (PAC) leh MNF MLA-te an thukhawm a. He thutkhawmnaah hian July 31, 2026-a Law College zirlaite hmaa chief minister thusawi, tual chhung chanchinbua chhuak chu an sawi ho.
MNF chuan chief minister-in Remna Thuthlung leh ILP chungchanga a thusawite chu thu dik lo, ram, hnam leh sakhua tana him lo nia hriain, hnam pawikhawihna leh hnam himna tiderthawng thei a ni tiin pawi an tih thu leh a la thutak takzet tih an sawi.
August 15 hmaa chief minister hian a thusawi hi sut ngei turin an phut a, mipuite hnena ngaihdam a dil loh chuan a tul anga hmala chhunzawm zelin total bandh thlenga hmala turin ruahmanna an siam a ni.
Hemi chungchangah hian Ningani chhun dar 12 hian MNF president chuan thu thar thehdarhtute hmaah thupuan a nei dawn a ni.